Shillong, Risaw 10: Ka tnad sumar Psychiatry bad Community Medicine, North Eastern Indira Gandhi Regional Institute of Health and Medical Sciences (NEIGRIHMS), kala pynlong shibun ki jingpynshai paidbah naduh ka 8/Risaw haduh mynta ka sngi sngi 10/Risaw/2026 haba ia de bad ka jingshitom ki briew ha ka bor pyrkhat.
Ha kine ki lai sngi na ka liang jong ka hospital kala sngap bad shah skhor ia ka jingpynsngew jong ki briew bad ha ka juh ka por ki pynsngewthuh ba don kam ban sumar namar kane ka dei ban long ia baroh.
Ia kane ka jingai jinghikai la pynlong ha Rural Health and Training Centre, Bhoirymbong, Ri-Bhoi district, haka 8/Risaw/2026, ha Health and Wellness Centre, Nongmensong, ha ka 9/10/2026 bad mynta ka sngi 10/10/2026 la pynlong ha ka jaka ai dawai ha NEIGRIHMS bad ha kine ki lai sngi la ioh ban ai jinghikai palat 200 ngut ki briew.
Ki doktor kiba la ia shim bynta ha kane ka jinghikai ki long Dr. Dazelle Sungoh bad Dr. Sankie B. Swer, Senior Residents (Psychiatry); Ms. Kimberly Syiem, Psychologist; bad Ms. Christina Hmangte, Psychiatric Staff Nurse Officer (SNO). Bad ia ka tnad Community Medicine la mih khmat da ka Dr. Tijo Rahim bad Dr. Priyadarshini Moirangthem, Senior Residents.
Haba ia dei bad kane Dr. Subhash Das, u ba peit ia kane ka tnad sumar Psychiatry, NEIGRIHMS, u la sha khot sha ka skulbah jong ka Martin Luther Christian University, kaba don ha Umsawli, ha ka 8/10/2026 ban kren ha kaba ia dei bad ka koit ka khiah bor jabieng bad ki lad jingsumar bad ia ka jingbatai ba bniah. Ka Dr. Arvind Nongpiur, Professor jong ka tnad Psychiatry, ka sa ai ia ka jingkren sha ki samla pule ka National Institute of Technology, ha Sohra ha ka 14/10/2026 haba ia dei bad ka koit ka khiah ka bor pyrkhat.
Prof. Nalin Mehta, Director, NEIGRIHMS, u ai khublei ia jinglah ban pynlong ia kum kine ki jinghikai namar bun sien ki briew kim juh mih sha khmat ban pynsngew kane ka jingpynshai kan iarap ia ki briew ba kin wan sha khmat ban kren ym ban buhrieh.
Ia kane ka jingsumar ka NEIGRIHMS ruh ka ai jingsumar bad ha ka juh ka por la ruh ia u phone number Tele-MANAS national mental health helpline, 14416 or 1-800-891-4416, kum juh ruh iaka official website: https://telemanas.mohfw.gov.in/home.
