Shillong, Nohprah 12: Ki heh jong ka Medical Council jong ka Ri India kin sa leit ban jngoh ia ka North East Indira Gandhi Regional Institute of Medical Science (NEIGHRIMS,) ban peit ha kaba ia dei bad ka jingpule doctor ha kane ka jaka la ka long kaba biang ne em namar ia kane ka jingpule yn sa sdang ha u kyllalyngkot jong u snem 2013.
Kane ka jingwan jong ki heh ka MCI sha kane ka jaka pule doctor ka long ban peit ia ka jingdon kam baroh jong kane ka jaka la ong Director AG Ahangar. Kane ka jingwan jong ki ka long ha dien ba ka la don ka jingiakren ha kine ki por kiba la dep.
Dang shen na ka liang jong ka iing bishar kaba ha khlieh duh jong ka Ri India ka la ai ia ka rai bad ka MCI ka lah tang ban ai ia ka jingmynjur ka jong ka hynrei ban ai bor pat ban sdang ia kano kano ka kyrdan jingpule ka shong ha ka sorkar pdeng.(SP News)
