Shillong, jymmang 03:Ka seng Hynniewtrep Achick National Movement Women’s Wing ka la maham da kaba tyngeh ia ki khynthei kiba dih kiad, bad iakane kajingleh jong ki khynthei kiba dih kiad la ioh halor ka jingujor jong kiba bun ba lang.
Halor ka kyrwoh khubor ba la pyllait da ka kong B sungoh president ka seng ka la ong kan seng kan iai buddien ba bun ki khynthei khasi ki ju leit dih kiad ha ki restaurant, namar kane ka long ka kam kaba I khem akor bad ipohjait ba kum ki khynthei kin leh ia kane ka jait kam.
Bad kum ki khynthei briew kin dih ia ak ka kiad ki mih shibun ki kam pynjah burom bad ka ktah ruh ia ka imlang ka sahalng, ym tang katta ka ktah ruh ia ka burom ka ijot la jong bad ia ka longrynieng jong ka bad ka ktah ruh ia koit ka khiah.
Ngi kum ka seng kaba peit ia ka bha ka miat jong ka imlang ka sahlang ngin ym shong thaid da lei lei ruh ban iai peitngor ia kum kine ki kam , bad lada ka seng kan lap ia kine kine ki briew kan aiti sha ki bor jong ka ain, bad ngi kyntu ruh ia ki pulit ba kin pynngat kat kum ki kyndon ain lada lap ia kine ki khynthei kileh ia kane ka kam.
Bad ngi kyntu ruh ia ki Police department ba kin peitngor bha ia kum kine ki jait restaurant khnang ba ngin lah ban rat dyngkhong ia ki jingsniew, bad ngin ym ailad ia ki jingsniew haakne ka jait bynriew kan ioh rung khamtam eh ki khynthei khasi kin leh ia akne ka jaitkam.
Ka seng maham jur ruh ia ki wine store na ki jaka die kiad bay m bit ba kin ai kiad ne kino kino ki jingdih ba pynbuaid ia ki khynthei, khamtam ia kito ki khynnah kiba dang dei ka por ban pule namar kane ka ktah shibun eh ia ki.(SP News)
