Shillong, jymmang 16: Ka Lakhreh Memorial skul Umsohsun mynta ka sngi ka la rakhe bad kynmaw burom ia ka lyngkhuh sngi iap jong u babu JeeBon Roy Mairom u nongseng ia kane ka skul.
UMP Bezbaruah u dkhot jong ka , North Eastern Council Government jong ka sorkar pdeng u la long kum u kongsan ha kane ka sngi bad haba u ai jingkren ha kane por u la ong “U JeeBon Roy u long kum u kpa jong ki khasi, hooid wat lada um pat dei u ba heh ha ki kyrdan pule watla katta ruh u la long ba paw khmat.”
U ne rangbah u dei ma u u ba la seng bad la pynioh ia ka Entrance skul ha kane ka jylla u la ai ka jingiaroh ia u tei u rangbah ba la iohi jngai ha kaba ia dei bad ka pule puthi.
La ioh ruh ia ka jingkren pdiang na u BK Dey Sawian bad hadien kane la ioh ia ka jingrwai na ki khynnah skul jong ka Lakhreh Memorial skul , bad ha kane ka sngi la wan ban ia shim bynta ruh da ki khynnah pule jong ka skul bah Martin Luther kiba la ai ia ka jingrwai tynrai jong ki ha la ki jong ki jong ka ktien bad ka jaitbynriew ba ki dei kiba kynthup ia ki Khasi, jaintia, Garo, Mizo, Naga bad ki wei ki wei.
Ka lakhreh Memorial skul hakane ka sngi ba kyrpang jong u babu JeeBon ka la sam ruh ruh ia ki khusnam sha kito ki khynnah kiba pass bha ha ki esamin bapher bapher.(SP News)
