New Delhi, Nohprah 29: Ka kynhun kaba dei peit ia ka hok long briew man briew ha kane ka ri India ia kaba la tip kum ka Asian Centre for Human Rights (ACHR) ha ka jingthoh kaba la phah sha u myntri rangbah duh jong ka Ri India ka la dawa ba ia kane ka sngi 29 tarik jong u bnai noh prah dei ban pynbna kum ka sngi ka jingshah lehbein ki kynthei ha kane ka Ri India.
Ka jingdawa jong ka ACHR ka long ban pynsah kynmaw ia kane ka sngi namar ka samla kaba 23 snem ka rta kaba la shah leh beijot ha Delhi ka la khlad mynta ka sngi ha Singapore ha ri nongwei ha dien ba ka la ngat ha katei ka jingshah leh bein kaba poh jaid tam.
Ka seng ka dawa ia kane ka long ban pynkynmaw ba ha kane ka Ri India ka jingshah ban bein jong ki kynthei ka long kaba la palat ka sorkar haduh mynta kam don ia ka ain ban teh la kam ia ka jingleh beijot ia ki kynthei ki ain kiba don ki long kiba tlot ha kaba ki nongleh ki lait da kaba suk na ki byndi ba la set ia ki.
Kane ka jingjia ka la pynkyndit ia baroh kawei ka Ri India bad ia ka pyrthei ruh baroh kawei ba kum kine ki jingiia kiba khlem rain ki la jia ha kane ka ri India ha kaba ki bor jong ka ain haduh mynta kim pat lah ban pynshitom katkum ki kam kaba ki la leh.(SP News)
