Tura, Naitung 21: Ka jingshah rahbor kaba man ka por ia ki nongkhaii na Assam kala pynbitar ia ki paidbah khamtam ia kito kiba dei na Dhubri District jong ka jylla Assam bad bun na ki paidbah ki dawa ba dei ban wan da ka President Rule ha Meghalaya na ka daw jong ka jingshah rahbor jong ki briew na ka por sha ka por.
Ha Kalapani bad Diara, ki paidbah kila ia mih ban pynpaw ia kane ka jingpyrshah ka jong ki bad kila thang ia ka tynshong jong u myntri rangbah ka jylla u Dr Mukul Sangma, ym tang kata kila khot ruh ia ka pakhang surok kaba 12 kynta namar kane ka jingbym don shuh ka shong suk shnong sain ha Garo Hills.
Kumba ka long haduh mynta palat 14 ngut ki nongkhaii la rahbor da ki lehnoh bad na kin ear ngut kila duh ei iala ka jong ka jingim. Kila dawa ba ka sorkar Meghalaya bad ka jylla Assam ka dei ban leh ei ei ban the lakam ia kine ki jingsniew.
Kitei ki riew paidbah ki dawa ba ka sorkar ka dei ban siew T.10 lak sha kito kiba la duh ei iala ka jingim sha kiba ha iing ha sem la ong u Nazmul Haque, general secretary jong ka seng Mancachar Nagarik Suraksha Samitti. Samar Chandra Paul u ong ba kine ki nongkhaii ki leit sha GaroHill ban ia khaii man ki iew mynta kim don lad da kumwei ki hap ban pep kane ka jingleit sha Garo Hills.(SP News)
