Shillong, Kyllalyngkot 21: Ha kane ka sngi rakhe ia ka jingioh la ka jong ka jylla kaba 41th u Lat ka jylla u RS Mooshahary u la ong ba ka jylla Meghalalya ka dang hap ban iaid shibun ki mawjam ban kynjoh ia ka thong ha kiba bun ki liang.
U la ong ba kam mud ba ka la biang tang ba la ioh ia ka jylla ba pura hynrei don ban kyntiew ia ka ha kiba bun ki liang ha ka roi ka par kumba long lem kiwei ki jylla jong ka Ri, kumba ka long ka jylla Meghalaya ka dang sah dien shibun ha kiba bun ki liang.
Haba ia dei bad ka jingtih ia ki marpoh khyndew u la ong ba ka por ka la dei ba dei ban tih ia ki katkum kane ka juk jingstad kaba mynta lem kumta kan buh ia ki paidbah ha ka jingeh ha ki long dien kiban wan. U la ong ba ka jingbym tip ei ei ka long kaba ma shibun.
Haba ia dei bad ka kam bishar u la ong ba ia ka High Court jong kane ka jylla ym sa sdang ha u bnai ban wan ha dien ba la dep ban pyniakhlad hapdeng ka Judiciary bad ka kam Excutive.Ha kane ka sngi u lat jong ka jylla u la kdew bun kiei kiei kiba ka jylla ka dang don ban leh.(SP News)
