Shillong, kyllalyngkot 25: Ki pulit jong ka jylla Meghalaya ki la ioh ban kem ia u bah Manbhalang Jyrwa ia kaba la sin da u Bah Man u ba ki la subajur ba u don ka jingiadei kaba jan bad ka seng lehnoh HNLC. Ia u la kem na Nongrimhills.
Ki pulit ki la ioh ban kurup na u lai tylli ki mobile, kawei ka Laptop bad kiwei kiwei ki kot ki sla na ka liang jong ki pulit ki ong ba ia ki jingthoh kiba la pynmih ia kiba la phah da u nongai khubor jong ka seng HNLC u Bah Sainkupar Nongtraw la leh da u Bah Man.
Ki puloit ki la kynnoh ba dei lyngba jong u ba ka seng ka tip ia kaei kaba jia man ka sngi ha ki lum khasi bad Jaintia Hills. Dei lyngba jong u ba la pynmih ia ka jingthoh kaba ong “ We are Back” kaba mud ngi la wan biang.
Ha dien jong kane na ka liang jong ki pulit ki la leit ban khynra kylleng ka sor Shillong ha kaba ki la ioh ban kem ia kine ki briew kaba ki la suba jur ba ki don kti ha ka jingsiat ia ka Lumdingjri Police Station bad ka jingpynher ia ka lama jong ka seng ha madan student kiba la shah kem ki long u Bah Nakemlang Kharpuri, Mr Goldy Khongwir, Mr Lawanbiang Dohkrud, Smti Jolene Hazel Khingwir, Mr Stadpyrkhat Langstieh and Mr Phaiborlang Donshiew.(SP News)
