Shillong, Kyllalyngkot 25: Ha ka por 2 baje noh phai sngi mynta ka sngi ka la don ka jingshah ther kuli ka kali jong ki pulit ka jylla Meghalaya ha ka thain Trongpleng kaba hap hapoh jong ka Mawsynram Police Station ha kaba la subajur kiba leh ia kane ki dei ki dkhot jong ka seng HNLC.
Katkum ki thymmei khubor kiba la ioh da u SP News Agency ki ithuh ba katba ka kali pulit ka dang iaid ha katei ka surok kaba leit sha balat ka la don ka jingther kuli ia ka kali kaba ki pulit ki shnong hynrei ha kane ka jingjia ym shym don ba mynsaw.
Na ka lang jong ki bor syntiat ki shim ba kane dei ka jingleh jong ki dkhot jong ka seng HNLC namar kane ka seng ka la khot ia ka pakhang shnong ban pyrshah ia ka jingrakhe ia ka Republic day kan ban long la shai ka sngi.
Ki thymmai khubor ki iathuh ba na ka liang jong ki pulit ha dien jong kane ka jingjia ki la hiar sha katei ka thain ban khynra ia katei ka jaka ban thwet ia ki nongleh kam sniew kiba la nud ban ther kuli ia ka kali jong ki Pulit.(SP News)
