Shillong Kyllalyngkot 26:Ka jingpynkhreh ia ka election kaban long ha ka 23 tarik jong u bnai ban wan haduh duh mynta dei tang ka seng HSPDP kaba la dep ban pynlait paidbah ia ka kular election jong ka ia kaba la pynlait da u President jong ka seng u 
ha ophis trei kam jong ka.
Ka mat treikam ka don haduh 14 tylli ki mat treikam jong ka na bynta kane ka ilekshon 2013 ka ban long ha ka 23 tarik u Rymphang bad ia kane ‘ka mat treikam’ la pyllait da u president ka party Bah Hopingstone Lyngdoh ha ryngkat ka jingdon ki nongkitkam ka party ha ka sngi Thohdieng.
Haba pan ia ka jingkyrshan na ki paidbah ka HSPDP haba iadei bad ‘U pud u Sam’ ka party ka kloi ban pynbeit noh ia u pud u sam ba pura jong ka Ri Khasi Jaintia khamtam ha ka bynta kaba iadei bad ka Jylla Assam, kaba la shu wan kam mynta, la ong katei ka party ha ka mat treikam jong ka.
Haba iadei bad ‘ka khyndew ka shyiap’ ka HSPDP kaba dei ka seng saiñ pyrthei kaba la rim bha ha ka Jylla ka don ia ka kular ba kan iada ia ka jinglong trai ia ka khyndew ka shyiap, ka khalw ka btap jong ka Ri Khasi Jaiñtia katkum ki riti ki dustur kiba la ju don.
Napdeng ki 14 tylli ki mat treikam kaba ka HSPDP ka la ban bha kadei ruh halor ka ‘joint cadre bad 40 persen’ ha kaba ka kular ba kan trei borbah ban weng bad pynduh noh ia ka joint cadre bad ia ka 40 persen ha ka thung kam thung jam, ban shim hi bad ban synshar hi da lade mynta.
Ka HSPDP ka don ruh ia ka jingthrang ban ialeh pyrshah ia ka jingthmu ka sorkar India lyngba ki company ban tih ia u uranium ha baroh ki bynta jong ka riKhasi Jaiñtia, uba long ka jingma ia ka jaidbynriew, ki jingthung jingtep bad ia ki doh um.
Ha ryungkat ki mat treikam “u pud u sam, ka khyndew ka shyiap, joint cadre bad 40 persen bad uranium kiwei pat ki mat treikam ba ka HSPDP ka la buh hakhmat duh ki long – “IPL bad land transfer act, ka ktien ka thylliej, , ka pule ka puthi, ka koit ka khiah, ki khlaw bad ki sawdong-sawkun, ka rep ka riang, ka ri jingri, ki kam kharkhana, ki lynti ki synkien bad kit ka bah bad ki iew ki hat.”
Ka HSPDP kaba dang shu dep ban pynbna tang 12 ngut ki kyrtong bad kaba don ia ka thong ban phah 17 ngut ki kyrtong ban ialeh ha kane ka ilekshon ka la ong ruh ba ka seng kan iai bteng ban ialeh ban dawa na ka sorkar India ban pynlong kloi ia “Ka Ri Khasi Jaiñtia State” ba pura ka ban kynthup ia ka it jong ka United Jaintia Hills District kumba long ha ka snem 1950.
Ia ki san tylli ki kyrteng jong ki kyrtong ka seng kan sa pynbna ha ki sngi ban sa wan ka ba lah ruh ban kynthup ia ka kyrteng u Bah Ardent Basaiawmoit uba long u MLA ka Nongkrem konstitwensi ba mynta na ka party UDP.
Lah ban shu pynkynmaw u Bah Ardent dang shen u la shim ia ka rai ba un sa pyniasnoh ialde bad kja UDP, hynrei ka HSPDP kaba la kloi ban pdiang ia u haduh mynta lyngab u president lka party Bah Hopingstone Lyngdoh u la ong ba ka party hi ka dang ap sa tang ia ka kyntien ba khatduh na utei u MLA ba un pyntip sha ka party.(SP News)
