Shillong, Kyllalyngkot 26: Kumba juh long man ka snem na ka liang jong ka seng lehnoh kaba la niew beain da ka sorkar pdeng ka HNLC ka juh khot ia ka pakhang shnong ha kum kane ka sngi. Ka daw ka long ba ka seng ka pyrshah ia kane ka jingrakhe ia ka Republic day.
Ha kane ka sngi la iohi ba ka
sor Shillong baroh kawei ka la kynjah jar ha kaba ki kali ki duna kiba iaid bad ki iew ki hat ki la khang. Ha kane ka nongbah Shillong ki surok kiba juh dap da ki kali mynta ka sngi ki la kylla long ki jaka ialehkai jong ki ba bun ba lang.
Wat hapdeng kane ka jingpyrshah hynrei ki paidbah da ki hajar ki la ia tuid sha Madan Polo ban ia shim bynta ha kane ka jingrakhe ia kane ka sngi kaba khraw jong ka Ri India. Ka jingrakhe ia kane ka sngi ka la iaid beit ha baroh kawei ka jylla khlemd a don kano kano ka jingjia kaba sngewsih.
Ha kane ka sngi na ka liang jong ki puloit jong ka jylla ki la pynlong ka jingap pahara ha baroh kawei ka nongbah Shillong ban peit ba ka jingrakhe ia kane ka sngi ka long kaba iaid beit iaid ryntih.(SP News)
