Shillong, Kyllalyngkot 29: Ka jingthep nomination na ka bynta ki kyrtong kiba kwah ban ia khun ha kane ka election sha ka iing dorbar thawain ka jylla kan sdang la shai ka sngi bad kan kut ha ka 6 tarik jong u bnai ban wan.
Ha kane ka kynti kaba mynta ruh ka jylla Meghalaya kan iohi ia shibun ki seng sain pyrthei kiban pynieng ia ki kyrtong ki jong ki bad kiba bun eh ki dei ki national party, kum ka Congress kaba synsahr ia ka jylla ka BJP, ka NCP, ka TMC ka LJP.Katba ki seng trai ri ki long ka UDP, HSPDP KHNAM.
Ha kane ka kynti kaba mynta ka wei ka seng sain pyrthei kaba thymmai ka NPP kan ia khun ia ka election MLA kaba nyngkong bad ia kane ka seng la seng hi da u shongknor jong ka iing dorbar thawain ban rim jong ka Lok sabha u Purno A Sangma. Kane ka election kan pynshai kdar ia ka bor ka jong u kum u nongialam jong ka jylla.(SP News)
