Shillong, Kyllalyngkot 30: Ka tnad shipai suin jong ka Ri India kan pynlong ia ka jingiamareh ban thung kam ha ka kyhun group X ha ka lain technical ha Jalan Outdoor Stadium ( ha jan Don Bosco School, Boiragimoth, Dibrugarh (Assam) na ka bynta ka jylla Assam, Tripura, Arunachal Pradesh, Meghalaya bad Nagaland.
Kiba lah ban leit ia shim bynta ha katei ka jingiamareh pynrung kam kin long tang kito kiba la pass ia ka Class II. Kiba shim ia ki subject kum ka Mathematics, Physics bad English bad ki mark jong ki kim dei ban duna ia ka 50% bad ki dei ban long kiba la pass ia ka diploma ha ka jingpule kaba lai snem na kano kano ka skul kaba la ithuh da ka sorkar pdeng.
Lada don kino kino kiba kwah ban apply na ka bynta katei ka kam ki lah ban wad jingtip kaba kham bniah da kaba phone sha kine ki number. Phone No. 0361-2843385, 0361-2842720. E-mail: elevenasc@rediffmail.com. (SP News)
