Shillong, Rymphang 02: U president jong ka Khasi Student Union (KSU u Bah Daniel Khynriem u la kren shai kdar bad ka seng kam don jingiadei bad kano kano ka seng sain pyrthei.
Haba kren ha u SP News Agency na ka liang jong u Bah Khyriem u la ong ba ka seng ka ieng beit ha pdeng kam. Ka seng ka la dep weng ia lade na ka jingiadei bad ka seng khnam ia kaba ka KSU hi ka la pynkha mynshuwa. Mynta ka KSU bad ka KHNAM kam don bynta ei ei.
Une u nongialam jong ka seng u la ong ba ka seng ka sngewthuh shai kdar ba lada ka seng ka ia don bynta lang bad kano kano ka seng sain pyrthei kan ktah ia ki mat trei kam jong ka seng. Kum ka seng kaba ieng pdeng kam kwah ban ia don bynta bad kano kano ka seng sain pyrthei.
Ka rai ban nym don bynta ei ei shuh bad ka party KHNAM ka dei kaba la shim ha ka por ba u Bah Samuel Jyrwa u dang long u president jong ka seng KSU bad kane ka rai ka ieng haduh mynta.(SP News)
