Shillong Naiwieng 02: U ei u bah Prestone Tynsong u myntri ba dei peit ia ka tnad khlaw bad kiwei kiwei jong ka sorkar Meghalaya la kylli ka seng HSPDP ha kaba phai sha ka jingkren ka jong u ha kawei na ki nongialang ban rakhe ia ka sngi jong ki mraw khlaw,ban ong ba ka jingeh baroh ban pyntrei kam ia ki kam pynraoi dei na ka rukom bat khyndew.
Na ka liang jong seng HSPDP, ka kynnoh ba u myntri ba dei peit ia ka tnad khlaw bad kiwei kiwei u lah ban dei u agent jong no re jong no, lem kumta balei u kren kumtei kumba la mih ha ki lat pathai khubor. Hato u bah Prestone u kren kum u riew shimet ne ka dei ka surok jong jong ka sorkar , ka HSPDP ka kwah ia ka jingpynshai.
La ong shuh shuh hato u myntri sorkar ym sngewthuh ia ka dor jong ka rukom bat khyndew kaba kdew shai ia ka jinglong kyrpang jong ka jaidbynriew. Ka seng HSPDP ka sngewkhia bha ia kane ka bynta namar kam kwah ban iohi ba ka jylla Meghalaya kan kylla long kum ka jylla Tripura.
Na ka liang jong u Bah N Nonglong nongai ktien jong ka HSPDP u la kren shai kdar ba ka seng HSPDP ka kwah ban dang pynkhlain shuh shuh ia ka rukom bat khyndew bat shyiap, ym lah ban ia pein ia ka jaid bynriew bad ki kam pynroi. Ai ki kam pynroi kin wan ryngkat ka jingiada ia ka jaidbynriew.(SP News)
