Shillong, Lber 24: Ka Mylliem Lum Sports Association (MLSA) ha ryngkat ka jing iatreilang bad ka Nehru Yuva Kendra Sangathan (NYKS), Shillong kala pynlong ia ka “3 Days Life Skills Education Training” kaba la sdang naduh ka 21st – 23rd March 2013 ban ai ka jing hikai kaba kyrpang ia ki samla jong ka thain kumno ban im ha ka jingim kaba bha bad ka ban tei ia ka imlang ka sahlang da kaba pyn donkam da kita ki Atiar kiba la tip kum ki “10 Cores of Life Skills” (i.e. 1. Self Awareness, 2. Empathy, 3. Critical Thinking, 4. Creative Thinking, 5. Decision Making, 6. Problem Solving, 7. Inter-Personal Relationship, 8. Effective communication, 9. Coping with Stress, 10. Coping with Emotions) ia kane ka Training kaba kyrpang la wan ban ai ia ka jing hikai da ki riew shempang jong ka jylla kynthup ruh ia u Master Trainer on Life Skills Education uba la ioh ia ka jing pyntbit halor katei ka bynta lyngba jong ka Rajiv Gandhi National Institute of Youth Development, u Samla Kitboklang Nongphlang uba dei ruh ha kajuh ka por u State Youth Awardee jong ka Jylla. Ha katei ka Training la wan ban ia shimbynta da palat 40 ngut ki samla kynthei bad shynrang na ki 12 tylli ki shnong jong ka thain Mylliem Lum lyngba ki Sports Clubs kiba pher bapher kiba hap hapoh ka jing kdup jong Ka Mylliem Lum Sports Association (MLSA).
La pynhap pyrda noh ia katei ka Training ha ka jingialang kaba iphuh iphieng kaba la long ha ka 23rd March 2013 ha Mawkatad Presbyterian L.P, U.P & Secondary School, Mawpynthih, ha kaba la sam ruh ia ki Certificates sha baroh ki Nong ia shimbynta da u Kongsan u Bah Hamlet Dohling uba dei ruh u Adviser jong ka MLSA uba la ai ka jingiaroh ia ka NYKS, Shillong kaba la shimkhia ban pynlong ia kiba kum kine ki jait Training kiba long shisha ki Jingbam ki ban tei ia ka Longbriew manbriew khamtam eh ia ki samla kiba im sha ki jaka Nongkyndong ban wanrah pat sa shisien ia ka Akor ka Burom kaba la sdang ban sakma lynti noh ha kine ki sngi kiba mynta. Kiwei pat kiba la ai ia ka jingkren ha katei ka sngi ki kynthup ia u Rangbah Shnong jong ka Shnong Maweitnai, Rangbah Shnong Mawsing, Rangbah Shnong Lyngkien Shyiap bad kiwei kiwei de ki Riew Rangbah ha kaba na ka liang jong ki baroh kila pynpaw ia ka jing sngewkmen kaba khraw namar kane ka dei ka Training kaba wanrah shisha ka jing myntoi ia ka imlang ka sahlang bad kadei ruh ka sien kaba nyngkong ba kum ki Nong shnong shnong jong kine ki Thain Mylliem Lum kin ioh mad ia kiba kum kine ki jait Training ka ban long ruh kum ka jing kyrkhu ha ka jing im ka jong ki.(SP News)
