Guwahati, March 25: Ka North East Student Organization (NESO) mynta ka sngi ka la pynlong ia ka jingshong kyllain mungor ha baroh ki Raj Bhavan kiba don ha ki jylla jong ka dong shatei Lamih ngi jong ka Ri India ban dawa na ka sorkar pdeng b aka dei ban beh krad ia ki Khar Bangladesh kiba la wan rung kyrthep sha kane ka dong shatei lam mih ngi jong ka Ri India.
Kane ka jingdawa jong ka NESO ka dei kaba la slem bha hynrei haduh mynta ym shym leh ei ei da ka sorkar pdeng. Ha ka juh ka por ka seng ka dawa ruh ba dei ban weng noh ia ka ain iakjakor ia kaba la tip kum ka AFSPA ha kaba ka long kmie jong ka Manipur ka SHARLIMA ka la pynlong ia ka jingshah thngan mynta la bun snem ban pyrshah ia kane ka ain.
U nongaibuit jong ka NESO u Dr. SAMMUJAL BHATTACHARYA u la ong ba kane baroh ka dei na ka jingleh sting jong ka sorkar pdeng bad ka jingbym khein briew ia ka dong shatei lam mih ngi jong ka Ri India. U tei u nongai buit u la ong shuh shuh ba ka sorkar pdeng ka la phah ia ki heh shipai sha ka jylla Jamu bad Kashmir ban ia kren halor ka AFAPA katba ha Manipur pat ka khlem phah.
La kynnoh ba kane baroh ka dei na ka jingleh bym suid niew jong ka sorkar pdeng ia kane ka thain u la kynnoh biang.(SP News)
