Shillong, Naiwieng 0: Ki ar tylli ki seng bhalang ka Ri Bhoi Youth Federation (RBYF) bad ka West Khasi Hills Student Union (KHSU) ki la kyrpang ia ka iing bishar ba don burom ba kan pynkloi ia ka jingai ia ka rai ha kaba ia dei bad ka jinglap jong ka tnad tohkit jong ka sorkar pdeng Central Bureau of Investigation (CBI) ha kaba ia dei bad ka jingkynnoh ba ka la don ka jingle don bor ha kaba pynpass ia ki nonghikai.
U Eduction Secretary jong ka RBYF,u Bah Suborson Rangslang, haba kren ha ki nongthoh khubor mynta ka sngi u la ong ba kine ki ar tylli ki seng bhalang ki don ka jingshaniah kaba skhem ha ka iing bishar bad ai kana i ia ka rai kaba kham kloi, la ka jinglap jong ka CBI ka long kaba shisha ne em.
Lada la pynslem ia ka rai kan ktah shibun ia ki samla pule ha kaba ki la duh mynsiem mynta namar lada ki leh bha ha ka jingpule ka jong ki ruh kan nym myntoi ei ei namar ki nongmih khmat ki pynpass ia ki briew la jong. La ong ba ka jingai burom ia ki samla ba wan sha khmat ha ka jingpule la dei ban pynsangeh noh.
Ki paidbah mynta ki kwah ban tip la ka jingkynnoh kumba la kdew ha ka jinglap jong ka CBi ka long kaba shisha ne em. Lada kaba shisha ruh lada ka wan ka rai ia ka iing bishar dei ban pynshitom ia kiba don kti bad lada kam dei ruh ai ba kiba shah kynnoh kin lait na ka jingshah pynthoh bria.(SP News)
