Shillong, Iaiong 03: Ki shipai BSF mynta ka sngi ki la pynlong ia ka jingai jinghikai kumno ban sumar ia lade ban iada na ka jingpang bam pong khatam ia ki long kmie, ia kane ka pynlong hapoh jong ka seng BSF Wives Welfare Association (BWWA).
Ha kaba ia dei bad kane ka jinghikai kumno ban sumar ia lade la kren da ka Dr Shailinia Syiem kaba dei ka doctor kaba peit kyrpang ia ki kynthei, ha kane ka sngi la batai ba ki ei ki dak ki shim kiba paw sha bar ia kito kiba sdang ban ioh ia kane ka jingpang bam pong ha ki kynthei. Na liang jong ka doctor ka la ong ba ka bha ban phah peit man ka por.
Ha ka jingkren jong ka Dr Prema Gandhi, kaba bat ia ka kam President jong ka seng BWWA Shillong kala ong ba ka long kaba don kam ia ki kynthei ba kin tip ia lade bad ban sngewthuh bad haba ka don ka jingsngewpher dei ban phah sumar ban lap ia ka jingpang ha ka pork aba dang sdang.
La pynlong ia kane ka jinghikai kaba kyrpang ia ki kurim jong ki shipai BSF ba kin sngewthuh bad ban nym lehrian ban wan sha khmat na ka bynta ban ioh ia kane ka jingsumar ha kaba pork aba biang.(SP News)
