Shillong, Iaiong 12: U IG jong ki shipai BSF mynta ka sngi u leit ban ia kynduh ia ki paidbah jong ka thian Jaintia Hills ban ai ia ki jingiarap sha ki paidbah kaba dei na ka skhim Civic Action Programme, ki shong kiba la ioh ia ka jingiarap mynta ka sngi ki long ka shnong Dawki, Bakur, Hal Thimai, Nayabazar, Nongskhen, Lyngkhat, Nangtyngur, Pyrdwah, Umkrem, Amlymping, Naljuri, Rongkhong, Muktapur, Hawitilla, Amjolong, Amki, Lakra Basti, Hawai Basti, Nongjuri, Amio bad Tishang Basti.
Ki tair kiba la sam da kishipai BSF mynta ka sngi haba khein ha ka liang jong ka pisa ki la kot sha ka T. 6 lak tyngka. Ki tiar kaba ki paidbah ki la ioh ki kynthup ia ka, Power Tiller,Syntax tanks, kor pump Um,shukhi plastic ki miej, ki pangkha, ki tiar ia lehkai,ki khiew shet bad shibun kiwei kit air na ka bynta ka jingdon kam jong ki paidbah.
Ha ka jingkren jong une u heh jong ki shipai BSF Sh. Sudesh Kumar, IPS u la ai ka jingiaroh ia ki paidbah jong ka jylla namar ba kim shym la sngap ia ka jingkhot jong ka seng lehnoh HNLC ban boycott ia ka election MLA kaba dang shudep shen ha kane ka jylla Meghalaya. U la kyntu ia ki paidbah ba nangne sha khmat ruh ba kim dei ban ai ka jingkyrshan ia ki seng lehnoh.
Haba ia dei bad ki tiar kiba la ai sha ki paidbah u la ong ba kane long ka thong jong ki BSF ban iarap ia ki paidbah kiba don ha khppud bad ka Bangladeh. Ka jingkwah jong ki BSF ka long ban ai ka jinghikai ia ki briew kumno ba kin trei ba kin dup lah ban kamai ban kyntiew ia ka ioh ka kot jong ki ka ba man ka sngi.(SP News)
