Nongstoin Iaiong 16: Ka seng Hynniewtrep people social Organisation West Khasi Hills Dsitrict kum ka Seng ka lah ioh ban ia kynduh markhmat ia ka kong sngewbhalin Paliar ha Nongstoin Civil Hospital mynin janmiet 16tarik, kane ka jingiakynduh la iadon lang u President ,u Secretary ryngkat ka jingiadon lang u lok u Bah P.lyngdoh lem bad kiba ha ing ha kane ka jingiakynduh jong ka Seng na ka liang ka jong ka kong Paliar kala iathuh iakaei kaba la jia ha katei ka sngi.
La iathuh ba ha ka 13tarik mynta u bnai ha shnong Umwali kaba hap hapoh Langpih na ka liang ka seng ka pynrem jur ia kito ki Nepali kiba la ktah kti ia ka ryngkat ia ki paralok jong ka khlem don shuh ia ka jinglehrain lane ka jingitiplem ban shu shoh shubom ia ki kynthei briew kane ka jingleh ka jong ki ka pynpaw ia ka jinglong riewkhlaw ka jong ki.
kumta na ka liang ka Seng ka dawa na ka sorkar ba kan kem bad pynshitom ia kitei ki briew kiba la leh ia kane ka kampoh ka jong ki ban shu shoh sa ia ki riew kynthei bad ruh ba kan pynbeit noh kham kloi haba iadei bad u pud u sam hapoh jong ka thain , ryngkat ka jingai jingiarap ia kine kiba la jia ha kane ka jingshahshoh. lada na ka liang ka sorkar kam lah ban leh ei ia ka jingdawa jong ka seng na ka liang ka seng kam banse ban shim da kiwei ki lad ba tyngeh.
Kum ka seng kamlah ban shu peit bad ban iohi kum kine ki jingjia kin jia ia ki paradoh parasnam hapoh ka bri u Hynniewtrep. Ka Seng ka kitbok kitrwiang ruh ba ka Kong Paliar ba kan ioh noh ia ka met kaba koit ba khiah . kumjuh ruh na ka liang Seng ka dawa ruh na ka sorkar ba kan ialeh ban pynkloi ban ai ia ka jingiarap sha kito ki longing kiba la jia ha ka jingshah lynshop ha ka eriong ha 12tarik mynta u bnai.
Ka seng ka ong ba dang don shibun ki longing ki bym pat ioh jingiarap ei ei na ka sorkar.kumta na ka liang ka Seng kan sa leit ban jurip ia kine ki jaka la ka sorkar ka la ioh ban ai jing iarap ne em ia kine ki longing kiba shah lynshop ha ka eriong hapoh jong ka thain bad na ki nongmihkhmat ruh.kane ka long katkum ka kyrwoh kaba la phah da u bah Phiradaker Publicity Secretary Hynniewtrep Social Organisation West Khasi Hills District.(SP News)
