Shillong, Nailar 16: Ka Dr Najma Heptulla, kaba dei ka Lat jong ka jylla Manipur mynta ka sngi kala plie ia ka jaka thung syntie
w ha Imphal ha Bioresources Park ha ka jaka jong ka Institute of Bioresources and Sustainable Development (IBSD), ka National Institute jong ka Department jong ka Biotechnology, jong ka sorkar pdeng.
Ka Lat jong ka jylla Manipur kala ai ka jingiaroh ia ka kne ka sien jam ba ka IBSD kala leh na ka bynta ban pynlong ia ka kam thung syntiew kum ka lad ioh kam ioh jam ha kane ka dong shatei lam mih ngi jong ka Ri India bad kane kaba ha Manipur ka long ka nuksa ia kiwei.
Ha ka jingkren jong u Prof. Sahoo u la ong ba da kane ka jingthung syntiew ha kane ka jaka yn sa ioh da ki lak tylli ki syntiew ha ka shisnem shisnem bad kane kan iarap ia ki nongrep bad ha ka juh ka por kan long ka lad ioh kam ia ki samla ha kane ka thain shatei lam mih ngi jong ka Ri India. Ia mynta la ai jinghikai 750 ngut ki samla bad ki nongrep.
Ban pynioh kam ia ki samla kane ka thain kiba khlem kam, kane ka dei ka jubab ia kane ka jingeh da kaba thaw ia kine ki lynti kan long ka jingkyrkhu ia ki samla khlem kam, ban wanrah pat ia ki karkhana kiba heh ha kane ka thain kane kam pynjot ia ka mariang.
U Prof. Sahoo u khot u wer ia baroh ki briew na ka Ri baroh ka kwei ba kin leit ban jngoh ia ka National Bioresources Park, ia kaba la shna ha kane ka rukom ban pynmih iaki syntiew kiba bun jait bad la shna ruh ia ka jaka sah na ka bynta ki nongrep ha kane ka jaka ba kin sah ha ka por ba ki leit ban shah hikai. Kane ka jaka thung syntiew ka dei ka nuksa ruh ha kaba kiwei ki jylla ha kane ka Ri India ki lah ban shim nuksa.
