Shillong, Jymmang 07: Ka seng All India Organization of Chemists and Druggists (AIOCD) kala shim ia ka rai ban pynlong ia ka jingiakhih ha ka Ri India baroh kawei ban pyrshah iaki policy trei kam jong ka sorkar pdeng kaba long pyrshah ia ki nongsam dawai hakane ka Ri India.
Ban kyrshah ia ka teika seng ka Meghalaya Healthcare Association (MHA) ruh ka la shim ia ka rai ba ha ka 10 tarik mynta u bnai kin sngeh ban sam ia ki dawai na ki kudam jong ki sha ki nongdie lane sha kipaidbah ha ka 10 tarik mynta u bnai.
Ki jingdawa kiba ki nongdei dawai ha kane ka Ri India ki dawa ka long ba ka sorkar kam dei ban pynduna palat iaka jingioh jong ki nongdie dawai, kawi long ka jingduna palat jong ki nongsam dawai ha kaba dei ban pynkylla noh ia ka rule kaba 65(15) jong ka ka Drugs and Cosmetics Rule bad ia ka jingwan bei pisa jong ki bar ri ym dei ban ailad.
Kumba ka long mynta baroh kiba trei ha kane ka kam ha ka Ri India baroh kawei ki don palat ia ka shiklur ngut ki briew. Ha kane ka jingiakhih ki ban ia shim bynta kin long palat ia ka 7.5 lak ngut na kylleng jong ka India kiban ia leit sha Delhi ban ia khih, na Meghalaya ar ngut ki briew kin leit ban ia shim bynta ha kane ka jingiakhih.(SP News)
