Shillong, Jymmang 13: U myntri ka tnad ka koit ka khiah jong ka sorkar jylla u Bah A L Hek mynta ka sngi u la plie ia ka Meghalaya Health Insurance scheme (MHIS) hapoh Nongkrem Constituency ha kaba u MLA jong kane ka jaka u Bah Ardent Basaiawmoit ruh u la ia don lang.
Ha ka jingkren jong myntri ka sorkar jylla Meghalaya u la ong ba kane ka skhim long na ka bynta baroh kipaidbah jong kane ka jylla Meghalaya lait noh ia kiba trei kam sorkar la ka dei hapoh ka sorkar jylla lane hapoh jong ka sorkar pdeng.
Na ka liang jong u myntri u la kyntu ia ki paidbah ba ki dei ban shim ia kane ka skhim na ka bynta ka jingmyntoi jong ki bad yn tang kata ka don ruh ka jingsiew ia ka bai kali haba ki leit sha ki jaka ai jingsimar ha ka dor T.200 tynngka.
Kane ka skhim ka ai jingiarap haduh T.1.6 lak tyngka bad kajingsiew ka long tang na ka bynta T.31 tyngka. Na ka liang jong u myntri u la ong ba ia kane ka card dei ban pynthymmai man u snem.Ha kane ka sngi ki rangbah shnong bad ki sordar na sawdong jong ka thain Smit ki la ia don lang.(SP News)
