New Delhi Jymmang 20: Ka sorkar pdeng ka la shim khia bha ha kaba ia dei bad ka jingleit painkhana pathar jong ki briew ha ki shnong ki thaw bad ha ki khlaw ki btap. Na ka liang jong ka sorkar pdeng ka la buh ia ka thong ba ha kane ka plan san snem kaba khat ar baroh ki long iing ha ka Ri India ki dei ban don ia la ka jong ka Painkhana la ka jong ka iing ka jong ki.
Haba ia dei bad ka jylla Meghalaya ka sorkar pdeng ka la mang ia ka pisa haduh T.1807.59 lak tyngka na ka bynta jong u snem 2013-2014 kane ka pisa ka long ban ai sha ki paidbah na ka bynta ban shna ia ki painkhana.
Kaba phyla ka long ba ha ka jingioh pisa na ka sorkar pdeng ka la hiar sha ba palat ban ia nujor bad kiwei ki snem kiba la leit noh. Ha u snem 2010-2011 ka jylla Meghalaya ka ioh haduh T.3105.23 lak tyngka ha u snem 2011-2012 ka hiar sha ka T.1115.72 lak ha u snem 2012-2013 ka kiew sha ka T. 2540.01 tyngka bad mynta u snem ka hiar sha ka T.1807.59 lak.(SP News)
