Shillong, Jymmang 22: Ki pulit jong ka jylla Meghalaya mynta ka sngi ki la ioh ban kem hynniew ngut ki nongkhaii suloi beain na Chibragre ha West Garo Hills District.
Na kine ki nongkhaii suloi tuh ki pulit ki la ioh ban kurup ar tylli ki pistol, san tylli ki magazine, hynniew tylli ki kuli ba khlem pat pyndon kam, phra tylli ki mobile phone bad T.5000 tyngka ka pisa na ka met jong ki.
Ha kawei pat ka jingjia na ka liang jong ki pulit ki la lap na khlaw ia kawei ka met iap bad une u ba ipa la tip kyrteng kum u Silnam N. Marak 22 snem. Ia ka met jong u la lap na ka khlaw Mansinggre na ka liang jong ki pulit ki suba ba une u samla u la shah pyniap ha ki riew sniew.
Na ka liang jong ki pulit ki dang pynlong ia ka jingtohkit ban lap ia ka jingshisha baroh, la ong ka khubor pulit.(SP News)
