Shillong, Naiwieng 14: ka North Eastern Council (NEC) kala ai jingiarap ban ai jinghikai ia ki samla ka dong shatei lam mih ngi jong ka Ri India ha Guwahati. Ia kane ka jinghikai la tip kum ka “Student Interactive Program” ha kaba ki samla na baroh ki jylla jong kane ka thain ki la poi ban ia shimbynta lang.
Ha ka jingkren jong u U K Sangma Secretary jong ka NEC u long ba ki samla ha kane ka juk kaba mynta ki hap ban hikai ia la de ban im katkum ka jingkylla jong ka por, ha kane ka juk jingkylla ha ka rukom trei kam trei kam.
Ha ka jingkren jong ka Sherry Lalthangzo, Director (HRD&E) ka la kyntu ia samla ba kin shim ia kane ka kabu ba la ai da ka NEC ba kin lah ban mih sha ka pyrhtei kum ki samla kiba lah ban trei ha kino kino ki kam baroh.
Ki samla kiba shah hikai mynta ki long kito kiba don ha ki jingshah pyntbit bapher bapher kum ha Information Technology, BPO, Kam die khutial, Hospitality, ki kam pynbha briew bad kiwei kiwei kaba la la shah hikai kum ha ka UPSC coaching, NEITCO, Jettwings, Sling Shot Solutions bad ka Third Eye Education.
Ha kine ki laiphew san snem jong ka jingdon jong ka NEC, ka la iarap shibun ia kane ka thain ban kyntiew ha ka liang ka ioh ka kot ha baroh ki liang. Ka NEC ka kdup lang ia baroh phra tylli ki jylla kiba don ha kane ka thain shatei lam mih ngi jong ka Ri India.(SP News)
