Shillong, Jymmang 08: U Director jong ka NEIGRIHMS u Dr D M Thappa mynta ka sngi u la pyntip ia ki paidbah ba kino kino kiba shitom haba kin lah ban wan shim dawai ki lah ban shu phone ha ki number kiba ka hospital kala buh ban kylli jingmut na ki ban ioh ia ka jingsumar.
Ka Hospital kala leh kyrpang ia kane ka long namar ba ha kane ka jingdon kane ka khlam COVID-19 bun ki nongpang kim lah ban wan ia kynduh ia ki doktor, ban ailad ia ki paidbah ban ia kren bad ki doktor la plie ia ka Tele-Consultation OPD bad kane kan trei kam naduh ka 11 tarik mynta u bnai.
Ki briew ki lah ban kylli kum ka, General Medicine, Cardiology, Dental, Orthopaedics, Psychiatry, Palliative Care, Obstetrics and Gynecology, Neurology, Urology, Oncology, Dermatology, ENT and Ophthamology. Ki doktor kin sngap ia ki nongpang ha ki sngi kiba la buh naduh ka por 9.00 baje mynstep haduh 12.00 shiteng sngi bad 2.00 noh phai sngi haduh 4.00 baje jan miet.
Ka Hospital kala leh khnang ia kane ka long ban iarap ia ki paidbah ban ioh ia ka jingsumar ha kane ka por ba don kane ka jingeh bad ia kaei kaba ki ia kren bad ki doktor ha kane ka por kan long ka jingbuh ha ka bui na ka bynta ka hospital bad haba ki wan ha dien ka bud yn lah ban peit biang na ka bui kaba kila ioh ban ia kren.
Ki number kiba ka Hospital kala ai kaba ki briew ki lah ban ia kren ki long, 6009906940/6009944190/6009948452/6009919290. Kito kiba kwah ban phah sumar kin phone sha kine ki number bad kin hap ban ai ia ka kyrteng jong ki kynthei ne shynrang ka jaka sah jong ki bad ia u pin number bad lada don dei ka email dei ban ai lang.
La batai ba ki lah ruh ban leh lyngba ka whatApp/ Mobile 6033096839 bad 6033096840 bad kiba don kam kyrkieh ki lah ban phone sha une u number 9402178343. Na ka liang jong ka NEIGRIHMS kala leh ia kane ka long ban iarap ia ki briew jong kane ka dong shatei lam mih ngi jong ka Ri India ba kin ioh ia ka jingsumar ha kane ka por ba ka don kano ka jingeh.
