Shillong, Jymmang 19: Mynta ka sngi u Bah Pynshngian Syiem u la hiar shuki noh kum u Chairman jong ka KHADC da ka phah ia ka shithi hiar shuki sha u Depty Chairman u bah Alvien Sawkmiew.
Kane ka jinghiar shuki ka long mar shi sngi ha dien ba u CEM jong ka KHADC u bah Titosstarwell Chyne u la pynbna paid ba u bah Pyniad Sing Syiem un sa long u Chairman ba thymmai ha KHADC.
U bah Alvien Sawkmiew haba kren ha u SP News Agency u la ong ba ka dei ka jingshisha ba u Chairman ka KHADC u la resign mynta ka sngi da ka ba ai ia ka shithi resign ha u mynta ka sngi.
Da Kane ka jinghiar shuki jong u bah Pynshngian ka lynti kala pli ba u bah Pyniad un long u Chairman ba thymmai ka KHADC. Ka iing dorbar mang tyngka kan sa long ha u bnai jylliew ban wan bad kin sa jied ia u Chairman ba thymmai ka iing dorbar.
