Shillong, Naitung 06: U Rangbah shnong ka shnong Mawryngkneng ryngkat bad kiwei ki rangbah shnong ha ka jingiadon lang u Bah Pyniaid Sing Syiem MDC bad dei ruh u Chairman ka KHADC mynta ka sngi kila leit ai da ka dorkhas sha u James K Sangma myntri kam bor ding ka jylla ba la kiew palat ka bai light hs katei ka thain baroh kawei.
Haba kren ha ki lat pathai khubor ha dien ka jingiakynduh bad u Myntri kam bor ding u bah Peter Lawai u la ong ba kane ka jingkiew bai light kala long sha ba palat, ki long iing kiba juh siew tang T.250 tyngka mynta ki poi palat phew hajar kane ka long kaba ym lah ban pdiang da lei lei ruh.
La ong ba kane ka jingkiew ka bai light ka lah ban long ba ki briew jong ka MePDCL ki shim jingkhein arsien ia ka bai light lem kumta kumno kan ka poi da ki phew hajar ka bai light kane ka dei ka jingleh torkit jong ka MePDCL la ong u bah Peter Lawai Rangbah shnong Mawryngkneng.
Ha kane ka jingiakynduh la ong ia u myntri ba dei peit ia ki kam bor ding bad naduh Lat Nongkrem haduh Maryngkeng ki long kumba 2000 tylli ki long iing bad 20 tylli ki transformer hynrei u don tang u wei u briew ban peit ia kane, kane kala buh ia ka jingeh ha ki shnong ki thaw haba don ka jingduh light.
Haba ia ei bad ka skhim ring light sha ki long iing kiba duk kiba la tip kum ka DDUGJY phase II kaba la ai sha u ka M/s GM Syiemlieh na Lower Lumparing kam shym la pyndep ia ka jingtrei haduh mynta mynta. Haba ia dei bad kane u myntri u la ong ba yn sa phah ia ki briew ban tohkit.
