Shillong, Nailur 14: U Director ka tnad ka koit ka khiah u Dr Aman War u la iathuh ba mynta ka sngi baroh kiba la test COVID-19 Positive ki long 139 ngut, na kine ha East Khasi Hills ki long 124 ngut, ha Ri Bhoi 13 ngut, East Jaintia Hills 2 ngut, Wedt Garo Hills 1.
Kiba shitom hapoh ka jylla baroh ki long 1686 ngut, na kine East Khasi Hills 1124, West Khasi Hills 14, South West Khasi Hills 5, Ri Bhoi 130, West Jaintia Hills 13, East Jaintia Hills 145, West Garo Hills 198, South West Garo Hills 8, South Garo Hills 20, East Garo Hills 17, North Garo Hills 12.
U Director u la iathuh bana ki 124 ngut ha East Khasi Hills 66 ngut dei kiba ia jan bad kiba la shitom, 39 ngut dei na ki kynhun shipai, 10 ngut na ki thain Laban, 10 ngut na ki thain Pynthorumkhrah, u wei u nongniah kali jong u myntri rangbah ka jylla bad lai ngut ki dei kiba don ka jingpang khlieh shitmet.
Kiba la koit haduh mynta baroh ki long 2151 ngut, kiba la koit tang mynta ka sngi ki long 76 ngut, baroh kiba la shim nongmuna haduh mynta ki long 115901 ngut, kiba long Negative ki long 101173 tylli bad ki reslot kiba dang ap ki long 964 baroh kiba la wan phai sha ka jylla ki long 36202 ngut.
