Shillong, Naitung 07: Kan long ka sien kaba nyngkong ha kane ka jylla ba ka sorkar Meghalaya kan pynkup burom ia ki samla kiba la pass bha ha ka examin SSLC bad HSLC kaba la pynlong da ka Meghalaya Board of Secondary Education (MBOSE) ia kane ka jingpynkup burom yn leh da ka tnad Education Research Development Foundation (ERDF) ryngkat ka jingiatreilang jong ka skul bah University of Science & Technology Meghalaya (USTM).
Ia kane ka jingpynkup burom yn pynlong ha ka 9 tarik mynta u bnai ha Anton Hall. Ha kane ka sngi yn pynlong ruh ia ka jingmir jingmud halor ka pule ka puthi ha kane ka jylla Meghalaya bad kiei ki jingeh kiba ka jylla ka don ki ban pyniaid ia kane ka jingiamir jingmud kin long u Manas Chaudhuri bad u Dr Manash Das Gupta, HoD Chemistry, St Anthony’s College Shillong. Fidel War.
La kyntu ia ki paidbah jong kane ka nongbah Shillong ba ki lah ban ia poi ha katei ka sngi. Kane ka jingpynkup burom kan sdang ha ka por 9 baje mynstep .
Kiban ia don lang ha kane ka sngi ki long u Bah DD Lapang, Dr Donkupar Roy, ka Ampareen Lyngdoh bad bun kiwei kiwei kiheh sorkar jong ka jylla Meghalaya.(SP News)
