Shillong, Lber 26: Ka seng JSU-Khliehria
t ha ka jingialam u General secretary u samla Emmanuel Bhoi bad u Vice President u samla Laskiborn Siangchai ki lah leit ban kynduh ia u DMHO ka East Jaintia Hills halor ka jing pynslem ka sorkar ban pynkiew kyrdan ia ka CHC sha ka Civil Hospital hapoh ka distrik.
Ka seng ha kane ka sngi ka lap shibun ka jingduna hapoh kane ka hospital bad kam pat biang pura kat kum ka ka CHC bad kane ka CHC hospital kaba don ha Khliehriat ka dang duna ka jingdon jingem ki tiar sumar ia kiba pang.
Ka JSU ka ong ba lah i donkam ban pynbha shuh shuh ia kane ka hospital da kaba wan rah ki Senior doktor bad pynkiew kyrdan ruh iaki doktor kiba lah don lah slem hangne ka hospital khnang ba kin lah ban ai jingshakri ba kham bha ia ki paidbah ka distrik baroh kawei.
Na ka liang u General Secretary ka seng u la ong ba ka tnat koit ka khiah hapoh ka jingpeit u myntri ka tnat ka koit ka khiah ki lah dei ban pynkham stet ban wan pynkiew kyrdan shuwa iakane ka hospital sha ka Civil Hospital namar ha East Jaintia Hills distrik ymdon da kiwei pat ki hospital ba kham biang ia mynta.
U president ka JSU u la ong ba bun na ki nongpang kane ka distrik ki hap ban leit shaduh sha Civil Jowai bad Ialong ban ioh ka jingsumar kaba kham biang.Kumta na ka liang ka seng ka dawa na ka sorkar ban pynshah shkor iaka jingeh ki paidbah kane ka thaiñ.
Ka seng kan sa leit buh kyrpang da ka jingthoh sha ka sorkar lyngba u myntri ka tnat ka koit ka khiah ha ki taiew ka ban wan ban pynsngew sha ka sorkar iakane ka jingdawa Civil hospital hapoh ka distrik East Jaintia Hills.
