Shillong, Iaiong 12: Na ka daw jong ka jingkiew syndet jong ka khlam COVID-19 ka Deputy Commissioner jong ka East Khasi Hills District kala pyntip ba la pynkylla ia ka korphiew miet ha East Khasi Hills District naduh mynta ka miet.
Ha ka jingpynbna mynta ka sngi la ong ba ia ka jingpynbna kaba la pynmih ha ka 11/04/2021 la pynkylla noh da kaba jingpynbna kaba thymmai kaba la pynmih mynta ka sngi ba ka korphiew miet kan long naduh ka por 10 baje mynmeit haduh ka por 5 baje mynstep kane kan trei kam naduh mynta ka sngi.
Ha ka kyndon jong ka 144 CrPC, ryngkat ka kyndon pyniaid kam ka kyndon ba 3 jong ka Meghalaya Epidemic Diseases, COVID-19 Regulations, 2020 ka Deputy Commissioner jong ka EKH District kala pynbna ia ka korphiew miet ba kan long naduh ka por 10 baje mynmeit haduh 5 baje mynstep naduh mynta ka sngi.
Ka Deputy Commissioner jong ka East Khasi Hills District kala bthah ia baroh ki dukan ba ki dei ban khangnoh naduh ka por 9 baje mynmeit katkum ki kyndon kiba la bthah na ka sorkar.
