Khliehriat, Jymmang 31: Mynta ka sngi ka la don ka jingjia ba sngewsih ha shyrmang ha ba ki briew ki lah duh ei haka wei ka jaka tih dewiong hynrei haduh mynta ym pat lah ban pyntikna katno ngut kiba la khlad ha ka tei ka krem dewiong kaba la kynnoh ba la tih beaiñ.
Katkum ki lah khubor ba la ioh la iathuh ba mynta ka sngi haka por mynstep kila don ba phone na Silchar sha ophis jong u Deputy Commissioner ban kylli halor kane ka jingjia, ha ka ba uba phone la pynithuh ialade ba u dei u bahaiing jong u wei na kiba khlad hakatei ka krem tih dewiong.
Mar ia ioh ia kane ka jingtip ki bor jong ka distrik administration kila phah tohkit wut wut bad la lap ba ka jingjia ka dei ka ba shisha ha Shyrmang.
Haba iadei bad kane ka jingjia na ka liang jong ki pulit ki la lap ia u trai jong kane ka par dewiong iaka ba la tip kyrteng kum u bah Kiroi Shyrmang hynrei ym shem pat ioh ban kem ia u trai ka par dewiong hynrei la kem ia u para, kat haduh ba thoh ia kane ka khubor na ka liang ki bor distrik ki dang wad jingtip ban lap katno ngut kiba la duh ei laka jingim haka ne ka jingjia ba sngewsih.
