Shillong, Naitung 31: Ka tnad ka koit ka khiah kala ai jingkhien ba mynta ka sngi kiba la test COVID-19 positive ki long 686 ngut, kiba la test bun eh ki dei na East Khasi Hills 219, West Khasi Hills 187 ngut, kiba dang shitom na kane ka jingpang kala kiew sha ka 5966 ngut ha ka jylla baroh kawei.
La pyntip ruh kiba la ioh ia ka jingkoit pat na kane ka jingpang ki long 499 ngut, kiba la koit bun eh ki dei na West Garo Hills 127 ngut, East Khasi Hills 95 ngut, Ri Bhoi 93 ngut, kiba la koit na kane ka jingpang baroh ki long 57949 ngut ha ka jylla baroh kawei.
Kiba khlad mynta ka sngi na kane ka jingpang COVID-19 ki long 12 ngut, East Khasi Hills 9 ngut, Ri Bhoi 2 ngut, West Khasi Hills 1, kiba la khlad baroh na kane ka jingpang ha ka jylla Meghalaya haduh mynta ka sngi ki long 1085 ngut.
Ki District kiba duna eh kiba la lap ba test COVID-19 positive mynta ka sngi ki long ka East Garo Hills 6 ngut, North Garo Hills 7 ngut, South West Garo Hills 9 ngut, kane ka long katkum ka jingkhein kaba la ai da ka tnad ka koit ka khiah.
