Mairang, Nailur 04: U Sub-Divisional Magistrate ka Mairang Civil Sub-Division, Mairang ha ka hukum bala pynmih mynta ka sngi u la pyntip ba hadien balah dep test lut ia baroh ki High Risk Contact.
Ha dien ba la lah pyndep iaka ‘Vaccination Drive’ ha ki saw tylliki dong ka Shnong Pyndengumiong, kata, ka Dongbir, Donggate, Lumiew bad Lummaralong, la wengnoh iaka hukum khangdam naka bynta kitei ki saw tylli ki dong naduh mynta ka sngi ka 4 tarik u Nailur, 2021.
Katba, ka Dong Langstiehrim bad ka Dong Umwiehsup kin dang neh kum ki Containment Area namar ka jingdon jong ki nongshong shnong kiba dang shu ioh ia u khniang jingpang COVID-19 bad namar ba ym pat ioh ban pyndep iaka ‘‘Vaccination Drive’ ha kitei ki ar tylli ki dong jong ka shnong Pyndengumiong.
Katkum kane ka hukum, kan don ka jingpyrkhing ha kaba ia dei bad ka jingplie jong ki dukan bad ruh ia ki kam shna iing shna surok ha ki jaka paidbah kiba don hapoh ka shnong Pyndengumiong.
Lah ban pynkynmaw hangne ba la pynhap iaka shnong Pyndengumiong, kaba kynthup ia ki hynriew tylli ki dong, kata ka dong Dongbir, Donggate, Lummaralong, Lumiew, Langstiehrim bad Umwiehsup,kumka Containment Zone ha ka 23 tarik u Naitung, 2021. Kum shi bynta ban tehlakam ia ka jingsaphriang jong u khniang jingpang COVID-19 namar ka jingdon jong ki nongpang COVID-19 bad ki High Risk Contact hapoh kane ka shnong.
