Shillong, Nailar 09: Mynta ka sngi u symbut myntri rangbah ka jylla u bah Prestone Tynsong u ka khot ia ka jingialang ban ia kren halor ka jinglong jingman kane ka jingpang COVID-19 ha ka jylla bad ha kane ka jingialang ka sorkar kala shim ia ka rai ban shah noh ban plie ia ki jaka mane blei ha Meghalaya naduh ka 16th Nailar 2021.
Haba kren ha ki lat pathai khubor ha dien ka jingialang, u Symbut Myntri Rangbah ka jylla ba peit tuh ia ka tnad ka koit ka khiah la iathuh ba ha kane ka jingialang kaba long mynta ka sngi la shim ia ka rai ban plie noh ia ki jaka mane blei naduh ka 16th Nailar 2021 mynta u bnai.
Kane ka rai kaba la shim mynta ka sngi ka dei hadien ba la ioh ia ka kaiphot na ki Deputy Commissioner jong ka jylla bad kane ka jingai jingbit ban plie biang ia ki jaka mane blei kan long palat ia ka shibynta ka jingngiam ki jaka mane blei kaba mut 1/3 kano kano ka jaka mane blei.
Ka sorkar kala shim ia ka rai ruh ban ai jingbit ban pynlong ia ki jingiathoh shongkumrim ha ki jaka mane blei naduh ka 16/8/2021, hynrei ka sorkar kam pat shah ban pynlong ia ki jingkhawai, ha ba ia dei bad kane u ophisar rangbah duh ka jylla yn sa pynmih ia ki jingpynbthah ha kine ki sngi.
