Shillong, Nailar 24: U bah Titosstarwell Chyne u Chief Excutive Member jong ka Khasi Hills Autonomous District mynta ka sngi ,u la lum ia ka jingialang ia baroh ki MDC jong ka KHADC ban ia kren halor ka jingai jingmut jong ka Parliamentary Standing Committee halor ka jingpynkylla ia ka khyrnit ba hynriew jong ka riti synshar jong ka Ri India.
Ha ba ia kren bad u lad pathai khubor u CEM ka KHADC u la iathuh ba na ka liang ki MDC jong ka KHADC mynta ka sngi ki la rai ban kyntait ia ki katto katne ki mat ki ba lah ban ktah ia ki Council, ka jingialang kala rai ban nym pdiang ia ka jingai jingmut ban pynbun ia ki MDC hapoh jong ka KHADC sha ka 40 ngut.
U bah Chyne u la batai ba ka rai ban kyntait ia ka ne ka long namar ba lada pynbun ia ki seat ha ki District Council kan ktah ia ka jinglong jingman ki jaka puta ha ki Constituency bad kumjuh ruh kan ktah ia ka pla pisa jong ka Council kaba lah ban ktah ia ka tulop jong ki nongtrei namar ka jingmih jong ki Council ka duna palat.
La ong ba kat ba dang bun ki MDC katta kan dang bun ki jinglut bad ka number ka ba na ka liang jong ka Council ka la ai ka long 35 ngut ki ba la shah jied ha ki paidbah bad 2 ngut ki dei ki ba shu thung bad iwei na kine yn dei i longkmie khlem da kdew ba in dei na ka no kano ka jait bynriew .U bah Titos u la ong ruh ba ki don ki constituency ki ba la idei ban phiah noh kum ka Mawlai ,Nongstoin ,Mawrynkneng , bad kiwei kiwei.
U la iathuh ruh ba la shim ruh ia ka rai ban ym pdiang ia ki Village Council namar baka jingthmu jong ka khyrnit ba hynnriew ka ba don ha ka jylla ka long ban pynneh pynsah ia ki khlieh nongshynshar kat kum ki riti dustur ,hynrei ki la pynpaw ruh ba ki dei ban ai jingithuh ia ki dorbar shnong kum ki Village Council.
ka wei ka mat ka ba na ka liang ka KHADC ka la kyntait ban pdiang ka long halor ka jingpynkylla ia ka para 12 (b) ban ai bor ia u President hynrei ki la dawa ba ka dei ban ai bor tang ia u Lat ha ka jylla.
u bah Chyne u la iathuh ruh ba ki don kiwei ki wei mat ki ba na ka liang ki MDC ki la iatai sani bha mynta ka sngi ki ba kynthup halor ka khaii pateng halor ka traditional Custom bad kiwei ki wei . Na ka ling ka District Council ka la ai jingmut ia ka sorkar ba kan pdiang ia kine ki jingai jingmut jong ki bad ban phah ia kine jingai jingmut sha kane ka Commitee.
