Shillong, Nailur 23: U Dr Mukul Sangma nongialam ka party Congress Legislature party hapoh ka iing dorbar thawain jylla u la kyntait ia ka jingkynnoh ba u la leit ban ia kynduh ia kito ki nongialam jong ka party Trinamool Congress, ha Kolkatta.
Haba kren ha ki la pathai khubor mynta ka sngi, u nongialam jong ka seng Congress ba dei ruh u myntri rangbah ba rim ka jylla u la ong ba ka jingleit jong u sha Kolkatta u leit na ka bynt aki kam jong u shimet bad kam shym don ka jingiakynduh ia ki nongialam ka TMC kumba la paw ha ki lat pathai khubor.
U Dr Mukul u la ong ba umithuh ia kita ki nongialam ka TMC kumba la paw kyrteng ha ki lat pathai khubor, ka jingkynnoh ba u ia kynduh ia ki nongialam katei ka seng ka long kaba bakla bad ka bym don nongrim haei haei ruh ruh.
Haba ia dei bad ka party Congress u Dr Mukul u la ong ba kala don ka jingphone na ki nongialam ka party ia kaba u khlem shim phone ha kine ki sngi dei tang mynta ka sngi u la sdang ban shim phone, la ong ba un sa ia kren ia kane kam bad ki nongialam ka party.
