Guwahati, Naitung 30: Ka seng Bharatiya Janata Party (BJP) mynta ka sngi ka la pynlong ia ka jingialang ha Guwhati naka bynta ban pynkhreh ia ka election sha ka Lok Sabha kaban long ha u snem 2014 ha kine ki jylla jong ka dong shatei lam mih ngi jong ka Ri India.
Ia kane ka jingialang la pynlong hapoh ka jingpeit jong u SS Ahluwalia u ba dei u chairman jong kane ka Campaigning Committee. Kane ka jingialang kaba la long mynta ka sngi ka long kum ka jingsdang ia ka jingpynkhreh ia ka election Lok Sabha.
Ha kane ka jingialang kiba la ia don lang ki long u Tapir Gao, Kiren Rijiju, bad baroh ki president jong ki jylla kane ka thain bad ka MP jong ka Guwahati ka Bijoya Chakraborty kaba dei ruh ka Vice president jong ka seng BJP ha ka party.
Ha kane ka jingialang ia kren ia kaei kaba ka BJP ka dei ban leh ha kane ka election kaban wan na Meghalaya u Bah Khlur Sing Lyngdoh ruh u la ia don lang la ong ka khubor na ka BJP.(SP News)
