Shillong, Naiwieng 16: Mynta ka sngi u myntri rangbah ka jylla Meghalaya u Conrad K Sangma bad u myntri rangbah ka jylla Assam u Himanta Biswa Sharma kila ia don lang ha ka jingialang paidbah ha Langpih ba pynshai ba ki don ia ka juh ka thong ban pynia pynbeit pud ha pdeng kine ki ar tylli ki jylla.
Ka jingleit lang jong ki ar ngut ki mytnri rangba sha Langpih ka daw ka long ba kane ka jaka ka dei kawei na ki jaka kiba ia kam mar kylliang bad ha kane ka jaka la juhmih ki jingiaka jia na ka por sha ka por bad kala don ruh ka jingshah siat iap ki briew ha ki pulit ha katei ka jaka namar ka kam kahppud.
Baroh ar ngut ki mytnri rangbah kila leit lang sha katei ka jaka da ka helicopter, ha ka jingiadon lang ki shongknor jong ki Regional Committee na Assam bad Meghalaya ha kane ka jingialang paidbah kaba la long ha Langpih.
Haba kren ha kane ka jingialang paidbah u Myntri Rangbah ka jylla Meghalaya u Conrad K Sangam u la ong ba kane ka long ka sngi sah kynmaw ba kane ka jingwan ka long ban pyni ba baroh ar tylli ki jylla ki kwah ban ia pynbeit ia kane ka kam ia ka jia khappud da ka jingiasngewthuh lang.
U Myntri Rnagbah ka jylla Meghalaya u ai khublei ua mu myntri rangbah ka jylla Assam u Himanta bala ia mynjur ban ia juriplang bad ban ia don lang ha Langpih bad kane ka jingwan ka long ban ia pynbeit ia kane ka jingeh da ka jingiasngewthuh.
La ong ba ki briew jong ka Langpih kila shah shitom mynta la 49 snem namar kane ka jingiakajia khappud, la ong ba ki jaka ba don ha pdeng ka jingiakajia hapdeng ka jylla Meghalaya bad Assam ki don 12 tylli bad ka Langpih ka dei kawei na kita ki jaka ba don ka jingiakajia dei na kane ka dawa ba la shim ba dei ban pynbeit ia kane ka jingeh.
Kane ka kam ka dei kaba eh bha namar ka ktah ia ka jingsngew jong ki briew dei na kane ka daw ba baroh ar ngut ki myntri rangbah kila shim ia ka rai ban wat ki lat ki lynti ban pynbeit ia kane ka jingeh bad la da kim leh ia kane kan long pyrshah ia ki briew jong ka jylla Assam bad Meghalaya kiba la pynkupbor ha ki.
Ha kan liang jong u myntri rangbah ka jylla Assam u Himanta Biswa Sharma haba kren ha kane ka jingialang la ong ba ia ka jingiasngew shipara ha pdeng ki jylla ka North East dei ban pynneh pynsah bad dei na kane ka daw ba baroh ar tylli ki jylla ki dei ban pynbeit ia kane ka kam khappud da ka jingiasngewthuh jingmut.
U Himanta u la ong ba ha ka jingshisha ia kane la dei ban pynia pybeit ha u snem 1972 haba ia ka jylla Meghalaya la phiah na ka jylla Assam, to wat la katta ka Assam kam shym la pyrshah ia ka jingphiah ia ka jylla Meghalaya bad ki paidbah ka jylla Assam ki burom ia baroh.
U Myntri rangbah ka jylla Assam u la ong ba naduh bala phiah ia ka jylla Meghalaya ha u snem 1972 kila don ki jaka kiba don ha pdeng ka jingiakam kaba mar kylliang bad ia kine ym pat lah ban ia pynbeit haduh mynta lada la lah ban pynbeit mynshuwa kan nym lah kumba ka jaka mynta.
U Himanta u la ong ba kane ka jingia kajai khappud kala wanrah ia ka jingjia kiba sngewsih kaba ym lah ban kiar, hynrei kaei kaba jia ka long ba ka Meghalaya bad Assam kila juh ia kren ban pynbeit ia kane ka jingeh bad kane ka jingwan ka long ban pynthikna ba ki kloi ban ia pynbeit ia kane ka jingia ka jiapud.
Ha kane ka jingiakynduh mynta ka sngi kila shim ia ka rai ba na ka bynta ki kam pynroi ha khappud kiba wan na ka sorkar pdeng ym dei ban ia pynthud ha ki jaka ba don ka jingiaknieh ha dien ba la ia mir jingmut ba baroh ar liang ki sorkar jylla khnang ba ki briew kin nym duh ia ki jingmyntoi ha kaba ia dei bad ki kam pynroi.
Ha kane ka sngi la don ruh ki jingshad na ki sur tynrai kiba dei na Assam bad na Meghalaya, ha kane ka sngi ki paidbah kila ia poi sha kane ka jingialang ban sngap ia kaei kaba ki myntri rangbah ka jylla Assam bad Meghalaya ki pynshai paidbah ha kane ka jingiapynbeit pud.
