Williamnagar, August 07: Mynta ka sngi kum ha ka por 8:30 mynstep eiei katba ka kali pulit BP Truck M
L02-0756 ka dang wan na Nengkhra ban leit sha Williamnagar kala shah pynbethei bom ha kane ka jingjia ka kali ka la duh malu mala hynrei ka dangling ban iaid.
Katkum ka jingiathuh jong u SP jong ka East Garo Hills la ong ba ia u bom labuh ha ka muri ha katei ka surok bad la pynbethei da kaba pyndon kam ia ki kynja light ba pynthaba.
Ha kane ka jingjia ym shym don ba mynsaw. Na kane ka jaka ba la jia ki pulit ki la ioh ban kurup sa u wei u Bom IED u ba khlem pat bethei, u wire rong blue uba jrong kumba 30 metter u ba la pyndon kam ban pynbethei ia u bom.
Na ka liang jong ki pulit ki dang pynlong ia ka jingkhynra kaba jur bha ha katei ka thain ban lap ia ki lehnoh kiba la leh ia kane ka kam sinew.(SP News)
