Shillong, Naiwieng 22: Ki nonghikai skul adhock hapoh jong ka lama All Meghalaya Ad-hoc Lower Primary School Association (AMALPSA) mynta ka sngi ki la pynlong ia ka jingiakhih da kaba shah thngan kaba khlem buh por ban pyrshah ia ka jingleh bynsuidniew jong ka sorkar.
U president jong ka seng AMALPSA u Bah GH Marbaniang u la ong ba ka jingkwah ka jong ki ka long ba ka sorkar ka dei ban pdiangnoh ia ki kum ki nonghikai jong ka sorkar namar kumba ka long mynta ki trei ia ka juh ka kam kumba leh lem kiwei ki nonghikai.
Na ka liang jong ki nongh
ikai kin bteng ia kane ka jingiakhih ka jong ki lada ka sorkar kam leh ei ei ia kane ka jingdawa ka jong ki. Ia kane ka jingshah thngan ka jong ki la pynlong ha jan iing jong u lat ha Raj Bhavan.
Ki nonghikai adhock ha kane ka jylla baroh ki don haduh 1116, kane ka dei ka por examin jong ki khynnah kan ktah shibun hynrei na ka liang jong ki nonghikai kim ban se ban leh ia kane namar ba ka sorkar kam shym la sngap ia ka jingdawa ka jong ki la ong u president.(SP News)
