Shillong, Naitung 16: Ka seng United Hynniewtrep Movement (UHM) ka kyntu ia ka sorkar ba ka dei ban maramot lem ia ka LP skul kaba don ha shnong Mawlai Umdang kaba hap hapoh jong ka Mawshynrut Civil Sub Division jong ka West Khasi Hills District.
U bah Moonstar Nongrem President jong ka UHM ba dei jogn ka West Khasi Hills District la ong ba ki dkhot ka seng hapoh ka jignialam u bah Stevenson Nongrem kila leit ban jurip ia katei ka skul bad kila lap katei ka skul kala jot ha kaba ki khynnah skul kila kynduh jingeh.
Ha katei ka iing skul ka jinghikai ka don ka Upper Primary Skul kaba hap hapoh jong ka SSA ki don lai ngut ki nonghikai, ha Lower Primary ki don 1 nonghikai bala siew da ka sorkor, kane ka ksul kam don shuh wat tang ia ki miej ne ki shuki ban shong ki khynnah ksul.
Ka jingjot kane ka iing skul dei ban la shah pynjop ha ka jingshah beh lyer, ki nongpyniaid skul kila leit ban ujor sha ka ophis jong ka DSEO ha West Khasi Hills District ia kaba ki khlem pat leh ei ei haduh mynta, ia ki khynnah skul haba slap la pynlong skul ha kamra ki nonghikai.
