Mairang, Nailur 18: U Deputy Commissioner Supply ka Eastern West Khasi Hills District, Mairang u pyntip paidbah ba ka appointment jong ki nongsam khaw rashon kiba don hapoh ka District kan kut noh ha ka 31 tarik u bnai Nohprah 2022.
Kumta la khot aplikeshon ban pynthymmai ia ki nongsam khaw rashon hapoh ka Eastern West Khasi Hills District na ka bynta san snem, kata, naduh u snem 2023 haduh u snem 2027.
Ia ki aplikeshon lah ban ioh na ka ophis U Deputy Commissioner, Eastern West Khasi Hills District, Mairang naduh ka 20 tarik u bnai Nailar, 2022 ha ki por long trei bad kino kino kiba kwah ban aplai kin hap ban bud katkum kine ki kyndon.
Ki nong aplai ki donkam ban thep ia ka Security Deposit kaba long San Hajar tyngka (5000/-, ki ba aplai ki dei ban long kiba nang ban thoh ban tar, ym shah ia ki Sordar, Secretary shnong bad ki dkhot ka Executive Committee jong ka shnong ban long kum ki nongsam rashon.
Ha ka aplikeshon ba la dep pyndap dei ban suhlang ia 2 tylli ki dur passport size, ki Xerox copy jong ka Scheduled Tribe, EPIC, Marriage Certificate, Aadhaar Card, Pan Card, Bank Passbook, Residential Certificate ha ryngkat ka Court Fee Stamp kaba arphew san tyngka, dei ban suhlang ia ka rai jong ka Dorbar Shnong bala jied thymmai ia ki dealer lane la pynskhem( Renew) ia U ne Ka dealer barim.
Dei ban suhlang ia ki kyrteng ki dkhot jong ka V.C.A.C ym duna ia ka 8 (phra) ngut kynthup lang ia u Chairman,Secretary, ki dkhot kiba kynthup ia ki president Seng Kynthei bad Seng Samla, dkhot Self Help Group bad 6 (hynriew) ngut ki nongioh khaw kiba don rashon card (PHH lane AAY)
Lada jia ba ym lah ban jied thymmai ne pynskhem ia U/Ka dealer hapoh ka tarik ba la buh, ia ka bhah mar rashon yn ai noh ha kino kino ki centre kiba marjan khnang ba ki paidbah kin ym duh ia ki mar rashon
Ki nongsam rashon ba shah jied thymmai ki dei ban pynbiang ia ka electronic weighing scale ba la pynshisha da ka Metrological Department. Ki nongsam rashon kiba dang bat ia ka kam sam rashon mynta ki dei ban suhlang ia ka syrnot kaba iadei bad ka jingthew jingwoh na u Inspector, Metrological Department, Nongstoin bad ki dei ru, ban suh lang ia ka certificate na ka Office jong u Food Safety Officer, Nongstoin.
Baroh ki nongsam khaw ki dei ban don ia u Aadhaar Number, Lada don, yn kham pyrkhat ia ki Self- Help Group bad ia kino kino ki seng ia kiba la lamkhmat da ki riewkynthei. Ia ki aplikeshon dei ban pynpoi sha ka ophis u Deputy Commissioner ka Eastern West Khasi Hills District ha lane shwa ka 20 tarik u bnai Risaw 2022.
