Shillong, Nailur 17: Ki shipai BSF mynta ka sngi ki la ioh ban kem ia ki dieng kiba la thmu ban shallan tuh sha Bangladesh ha Gumaghat kaba don ha South West Khasi Hills District.
Ha kane ka jingap ktem ki shipai BSF ki la ioh ban kurup haduh 409.28 CFT u dieng sawdong ba la kit ha ka trok ban pynhap sha Bangladesh na katei ka jaka. Kaktum ka jingkhien jong ki BSF la ong ba ka dor jong kine ki dieng kala poi sha ka T. 4,09,280 tyngka.
Nalor jong kitei ki dieng ki BSF ki la ioh ban kurup ruh ia ka pisa thok ha Kakargora na ki khar Bangladesh kiba la thmu ban pyniaid iew sha India. Kiwei ki mar khaii tuh kiba la ioh kem ki long ki Masi, ki mar khlaw bad bun kiwei dei. Na ka liang jong ki BSF ki dei kyrpad ia ki BGB ba kin iarap lem ban teh la kam ia kine ki kam khaii tuh ha border.(SP News)
