Shillong, Lber 09: Ka jingialang kaba nyngkong jong kane ka sorkar MDA-II kaba la long mynta ka sngi kala shim ia ka rai ban wanrah ia ka jingpynkylla ha ka “Contingency Fund of Meghalaya Amendment Bill 2023, kane ka long ban pynbeit namar ka sorkar kala wanrah ia ka ordinance hap ban pynlong ain ia ka hap ban wan rah hapoh ka iing dorbar.
Kawei pat ka rai ka long ban wanrah ia ka billa hapoh ka iing dorbar ban pyndam noh ia ka “Meghalaya Regulation of Gaming Act 2021” ka sorkar kala dep ban wanrah ia ka ordinance ban pynduh noh ia katei ka ain, ia kane ruh hap ban wanrah ha ka dur jong ka Bill hapoh ka iing dorbar ban pynduh ia ka.
Kiwei ki jingiakren kiba la iakren ha ka kabinet mynta ka sngi ka long ba la thung ia lai ngut ki nong ai ktien ka sorkar, nalor u myntri rangbah bad symbut myntri rangbah la rai ruh ban buh ia ka kong Ampareen Lyngdoh, bah Paul Lyngdoh bad u Marcuise N Marak baroh ki dei ki myntri kabinet.
U Myntri Rangbah ka jylla u Conrad K Sangma la ong ba ka dorkar mang tyngka kan sdang ha ka 20/3/2023 ia ki sngi ban ia shong dorbar kan long ha ka rai jong ka BAC kaba un sa khot da u Lamphang ka iing dorkar ban rai.
U myntri rangbah ka jylla ba dei peit ruh ia ka tnad pla pisa la ong ba ka sorkar kan wan rah ia ka mang tyngka kaba pura na ka bynta u snem 2023-2024, u myntri rangbah la ong ba ka tand pla pisa jong a sorkar jylla kila pynkhreh ia ka mang tyngka.
