Shillong, Nailur 20: U president jong ka GNC u Clifford R Marak mynt
a ka sngi u la phah ia ka shithi sha u myntri rangbah ka jylla u Dr Mukul Sangma ban dawa na u ba dei ban pynlait noh ia ki nongialam jong ka GHSMC ha lane shuwa ka 25 tarik mynta u bnai lem kumta yn leit ban shah thngan kaba khlem buh por ha iing jong u ha Hawakhana ha Tura
Haba ia dei bad ka ILP u la ong ba ki seng bhalang mynta ki dawa na ka sorkar ba dei ban pyntreikam noh ia ka ha kane ka jylla Meghalaya, ka jingkylli kaba u buh ka long lada ka sorkar kam treh ban pyntreikam ia ka ILP ha kaba nyngkong balei ka thung ia ka HLC, na ka liang jong ka GNC ka dawa ba ka sorkar ka dei ban pyntrei kam noh ia ka ILP ha ka jylla.
Ha ka juh ka por u la ong ba ha ka jingialeh ban dawa ia ka jylla la ka jong ha kip or mynshuwa bad kumjuh na kiwei ki jylla kum ka Telengana ki paidbah ki pynlong ia ki jingiakhih ba bun rukom katkum ka riti synshar jong ka Ri India hynrei kam shym la don ka jingshah niew ba ki dei ki riew sinew, ka jingdawa jylla jong ka GHSMC ka long katkum ka ktien kaba ki kren.
Ia kane ka jingiakhih ka GNC ka la ialeh naduh u snem 1992 bad ka dang iai bteng haduh mynta bad ka jingiakhih ka long khlem da pyndon kam ia ki tiar pynmynsaw. Ka jingiakhih ka jong ki ka long katkum ka synshar paidbah.(SP News)
