Shillong, Nailur 22: Ka Meghalaya Pradesh Congress Committee (MPCC) ka pynrem jur ia ka jingkren jong u Dr Jemino Mawthoh MLA jong ka UDP, ha kaba u la ong ba kim don jingthmu ban pynkyllem ia ka sorkar hynrei ka long ba ki kwah ban bujli ia u nongialam.
Haba ia dei bad katei ka jingong, na ka liang jong ka MPCC ka kwah ban ong ia u Dr Mawthoh ba lada kwah ban pynkhyllem ia ka sorkar u dei ban don ia ki MLA kiba biang bad u. kane ka dei ka kam poh iing jong ka seng Congress ha kaba ka UDP kam lah ban tuklar.
Ka jingkren jong u Dr Mawthoh ia u myntri rangbah ka jylla ba u dei u myntri rangbah u bym don ia ka jingkit khlieh, na ka liang jong ka MPCC ka ong ba na ka liang jong ka sorkar ka la shim bun ki lad ki lynti kumno ban iada na ka jingwan tuid jong ki briew kiba na bar.
Na ka liang jong ka seng Congress ka la rai ba kan pyntrei kam ia ki kular kiba kala dep ban khlei sha ki paidbah ha ka por election. Ka sorkar ka la shim ia ka rai ban leh tyngeh ban the la kam ia kane ka jingwan rung kyrthep ki briew kiba na bar.
Halor ka jingong ba ki myntri sorkar bad ki MLA kin hun ia ka jingtrei kam jong u myntri rangbah, na ka liang jong ka MPCC ka kwah ban pynshai ba ha ka jingialang jong ka MUA-II kaba la long dangshen ka la ai ka jingkyrshan tylli ia u myntri rangbah, kane ka long katkum ka jingpynlait khubnor jong u Polycrap K Marak Genenral Secretary jong ka MPCC.(SP News)
